كُل عام وجميع الطلبة بخير وعام دراسي جديد سعيد على الجميع يارب
الجامعة والحياة الجامعية ليست مُجرد فترة دراسية فقط
تعيشها نوم، ثُمَّ استيقاظ، ثُمَّ ذهابٌ للجامعة وبعدها عودة من الجامعة وحضور المُحاضرات وهكذا، لا ليست كذلك
المرحلة الجامعية هي المرحلة التي يجب على كُل شاب وشابة استثمار وقتهم ومجهودهم فيها
بمعنى أنَّه لا يجب عليه فقط إعداد نفسه علمياً من خلال المُحاضرات
بل وأيضاً مهارياً من خلال الأنشطة التي تُعدكَ کَ طالب لسوق العمل والتي تحتاج منك في هذا الزمان أن تتخرج ولديكَ عددٌ كبيرٌ من المهارات بمُختلف أنواعها
ومن أجل ذلك ..
الكُلية تهتم بالأنشطة التي سوف تُنمي مهارات الطالب والتي سوف تجعلك تصل لأن تتخرج وأنتَ جاهز علمياً ومهارياً لسوق العمل وأنتَ على داريةٍ كاملةٍ بأنَّ جميع الوقت والطاقة التي قد استثمرتهم في نفسك لم يضيعوا هدراً وأنَّك حقيقي المُستفيد من كُل ذلك الاستثمار
وهذه الأنشطة كالآتي:
فريق كرة القدم/
طبعا الرياضة الشعبية الوطنية الأولى في بلدنا ومين يقدر ينكر دا
مع فريق الكورة هيبقى عندك فرصة إنِّك تشارك باسم الكلية في دوري الكليات على مستوى الجامعة وممكن تكون من أصحاب الفرص إللي بيتم اختيارهم لمنتخب الجامعة وتلاعب جامعات تانية كمان إللي ماتشاتها بتاخد اهتمام كبير من كشافين الأندية بكل مستويتها
وطبعاً في فريق كرة قدم نسائي
بيشمل عِدَّة رياضات منها: كُرة الطائرة، بينج، كُرة السلة أو الباسكت والمعروفة باسم رياضة الملوك بردو
من الرياضات المميزة جداً وإللي الكلية والجامعة بتهتم بيها بشكلٍ كبير من خلال أكتر من دوري داخل الجامعة بأكتر من نظام، سواء دوري الـ٣ لاعبين أو الدوري العام للجامعة إللي بيخرج منها فريق من كلية كمية، وكمان عندك فرصة كبيرة لو موهوب حقيقي إنك تتصعد لمنتخب الجامعة وهنا نقلة كبيرة جداً
وهنا بقى لازم نتكلم عن إنجازات مصر كواحد من البلاد الـ١٠ الأوائل المصنفين عالمياً في كرة اليد وإللي بيبان في كل منتخاباتها من شباب وبنات ورجالة وسيدات
وبيكون في فريق للكلية بينافس في دوري الجامعة وطبعاً بيتم الاختيار منه لمنتخب الجامعة
فريق الجودة/
هو المجموعة المسؤولة من التأكد أن جميع الانشطة تسير في مكانها الصحيح وعلى أعلى مستوى؛ بمعنى .. يروا جميع التفاصيل لأنَّ عملهم يتضمن فحص الجودة وتقديم اقتراحات للتحسين، وحل أي مُشكلة يُمكن أن تظهر، لأنَّ هدفهم هو: أن يكون كُل شيء على مستوى عالٍ.
وهو فريق يختص بنشر الوعي برسالة ورؤية كلية السياحة والفنادق ومفهوم الجودة وأهميتها للكُلية أيضاً، والعمل على نشر المنشوارت التي تخص الكُلية على جميع وسائل التواصل الاجتماعي
لكل الموهبين والمبدعين من رسامين ونحاتين ومصورين ومصممين جرافيك الفريق دا عشانكم
هنا الألوان والمشاريع والطاقة إللي بتتحول لفن أي عين تشوفه تعجب بيه
ولازم تعرف إن الكلية بتدعمك جدااااااااااااااً من خلال فعاليات كتير وأنشطة كتير تساعدك إنِّك تتطور وموهبتك تظهر للعلن وتلاقي الإشادة الكافيه الحقيقة
بتعرف تعزف؟ تغني؟ تلحن؟ تلعب بيت بوكس؟!
هو دا مكانك
هنا في فريق الكلية للموسيقى مش بنعتبر نفسنا مجرد فرقة موسيقية
لا إحنا بنعتبر نفسنا Band زي أي Band تاني ليه شخصيته ومزيكته ورسالته واللي كان السبب في دا هو كليتنا
فلو إنت مزيكاتي موهوب وعايز تلاقي إللي شبهك لازم تكون جزء من فريق المزيكا
((سيد الفنون ))
بتعرف تكتب؟ تخرج؟ تمثل؟ تعمل ديكور؟ ترقص؟ ميك أب؟ أو حتى تنسق ملابس؟!!
يبقي دا مكانك
سواء كنت بخبرة أو لسة عايز تجرب فريق المسرح دايماً فاتح دراعه ومستنيك عشان في مناسبة وكل مرة ترسل فنك للعالم كله برسايله وإبداعه إللي كل ما كان جميل كل ما كان صوت إيد الحضور وهو بيسقف يكون عالي لغاية ما روحك تتعود عليه وتخليك تطور من نفسك أكتر وأكتر
لو مهتم بمجال البيئه والسياحة والتطوع وإنك تبقى عضو فعال في المجتمع وتنمي مهاراتك من خلال فعاليات زي حملات التوعية بالبيئة وأهمية السياحة والاثار في بلدنا وكل الفاعليات إللي من نفس النوع في مجال التنمية المستدامة يبقي فريق البيئة هو بيتك الجديد ومكانك المناسب إللي هتكون فيه بتساعد بطريقتك الخاصة وبأسلوبك المباشر بشكلٍ فعال جداً
قادر تشوف نتيجته الإيجابية قدامك بشكلٍ فوري وإللي هيخليك تحس بدورك بأهميتك كفرد من فريق الوعي البيئي في الكلية
فريق تنظيم سياحة/
هو المجموعة إللي بتشتغل على تنظيم الفعاليات والمناسبات، كل واحد فيهم عنده دور محدد، سواء كان في التخطيط أو التنفيذ، هما اللي بيديروا كل التفاصيل، من اختيار المكان وتنسيق الجدول، للتواصل مع المتحدثين أو المدعوين، وهما كمان إللي بيحلوا أي مشاكل بتظهر خلال الحدث، وبيحاولوا يخلوا كل حاجة تمشي بسلاسة. باختصار| هما العمود الفقري لأي مناسبة
فريق خدمة المجتمع/
خلصت البوست خلاص؟
ملقتش نفسك في أي حاجة من دول؟ معرفتش تصنف نفسك تصنيف محدد تقدر تشتغل عليه؟ عايز تطور من نفسك بس مش عارف تبدأ منين
فريق خدمة المجتمع هو الحل
لو مكنتش لقيت تخصصك أو هوايتك أو مجالك في كل إللي فات وعايز تكون إيجابي وتنمي من نفسك يبقي فريق خدمة المجتمع من خلال أنشطته وفعالياته المتنوعة مثل المشاركة في الندوات وورش العمل، وكذلك الزيارات الميدانية والقوافل الطبية وإللي مش شبه أي نشاط تاني هو أفضل مكان ليك بالأخص إنك هتكون بتتعامل مع أغلب الأنشطة وهتبقى بتتعامل مع فرق أنشطه تانية على مستوى الجامعة وممكن كمان على مستوى جامعات تانية مش بس جامعتنا وإللي بدوره هيخلي منك شخصية تمتلك مهارات ومعرفه هتخليك تقدر تحدد طريقك من غير شك ولا تعب
عشان تسجل في أي فريق لازم تدخل على اللينك دا وتسجل كل بياناتك:
https://docs.google.com/.../1FAIpQLSfledzFWFXhWY.../viewform